Мареска: «Қилишимиз керак бўлган кўп иш бор»

«Манчестер Сити» бош мураббийи Энцо Мареска Англия суперкубогида «Арсенал»дан (0:3) учралган мағлубиятдан сўнг ўз фикрларини билдирди.

«Менимча, биз ўтказиб юборган тезкор тўп (23-сонияда), афсуски, ўйиннинг боришига таъсир қилди. Голдан кейинги реакциямиз анча яхши бўлди. Улар иккинчи голни ургунга қадар бизда ҳисобни тенглаштириш учун уч-тўртта имконият бўлди. Аммо, афсуски, иккинчи тўпни ҳам ўтказиб юбордик ва вазият янада қийинлашди».

Эрта ўтказиб юборилган тўп ҳақида

«Бундан хафаман, чунки бундай ўйинларда жамоалар даражаси жуда яқин бўлади. Шунинг учун тўп ўтказиб юборсангиз, ўйинга қайтиш қийинлашади. Аммо, менимча, биринчи голдан кейин биз анча яхши ҳаракат қилдик ва вазиятлар яратдик. Бироқ яна бир бор айтаман, 0:2 ҳисобида ўйин янада қийинлашди».

«Сити»нинг умумий ўйини ҳақида

«Биринчи голдан кейин мен жамоанинг ҳаракатларидан анча мамнун эдим, чунки бошқа тўп ўтказиб юбормадик ва ҳисобни тенглаштириш учун уч-тўртта имконият яратдик. Аммо, афсуски, иккинчи гол юзага келди. Бу — хато, лекин мавсум эндигина бошланди. Келаси якшанба куни Премер-лига бошланади ва энди диққатимизни шунга қаратишимиз керак».

Жамоа нима қилиши кераклиги ҳақида

«Бизда ҳали кўп иш бор. Мавсум энди бошланди, шунинг учун яхшилашимиз керак бўлган кўплаб жиҳатлар мавжуд. Ҳатто ўйинларда ғалаба қозонганимизда ҳам янада яхшироқ бажаришимиз керак бўлган ишлар бор», — деди италиялик мутахассис BBC Radio 5 Live эфирида.