Туркия Суперлигаси. «Башакшеҳир» мавсумни ғалаба билан бошлади, Элдордан гол, Аббосдан ассист

Туркия чемпионатида 1-тур баҳслари давом этмоқда.

«Башакшеҳир» клуби мавсумни ўз майдонида «Кожаэлиспор»га қарши ўйин билан бошлаб, ишончли ғалабага эришди.

Эътиборлиси, истанбулликлар сафида Ўзбекистон миллий жамоасининг икки футболчиси ҳам асосий таркибда майдонга тушди ва самарали ҳаракат қайд этишди. Аббос Файзуллаев жамоасининг биринчи тўпига ассистентлик қилган бўлса, Элдор Шомуродов иккинчи голга муаллифлик қилди.

Туркия Суперлигаси. 1-тур
Башакшеҳир — Кожаэлиспор 2:0
16 август, Фотиҳ Терим номидаги стадион
Голлар: Опери (14), Шомуродов (72).
Башакшеҳир — Шенгезер, Шаҳинер, Байрам, Опоку, Опери, Кемен, Калужински (Эргун, 89), Сков Олсен (Гурелер, 89), Шомуродов (Зелке, 75), Файзуллаев (Сари, 63), Бертуг (Бозок, 75).