Бразилиялик футболчи Малком «Ал Ҳилол»ни тарк этиб, «Дирия» сафига қўшилишга яқин. Томонлар трансфер бўйича якуний келишувга эришган, футболчи эса янги клубида уч мавсумга мўлжалланган шартнома имзолаши кутилмоқда.
Саудия матбуоти хабарига кўра, Малком трансферни якунлашдан олдин тиббий кўрикдан ўтади.
Трансфер бир неча кун аввалги воқеалар фонида янада кутилмаган бўлди. «Ал Файсалий»га қарши баҳсдан сўнг футболчидан жамоани тарк этиши ҳақидаги миш-мишлар ҳақида сўрашганда, Малком бунга кескин жавоб берганди:
«Ақлдан оздингизми? Мен клуб билан шартномамни узайтирганман. Илтимос, миш-миш тарқатишни бас қилинг», — деган бразилиялик.
Шунга қарамай, энди унинг «Ал Ҳилол»даги фаолияти якунланиш арафасида.
Бразилиялик вингер «Ал Ҳилол» таркибида жами 139 та учрашувда майдонга тушиб, 47 та гол урди ва 41 та голли узатмани амалга оширди. У жамоанинг муҳим футболчиларидан бирига айланиб, бир қатор совринларни қўлга киритишига ёрдам берган.
