«Марсел» «Вест Ҳэм» ҳимоячиси Жан-Клер Тодибо трансферини амалга ошириш бўйича ишларни фаоллаштирди. Foot Mercato хабарига кўра, томонлар футболчининг шахсий шартлари бўйича оғзаки келишувга эришган.
Энди «Марсел» 26 ёшли марказий ҳимоячининг трансфери бўйича «Вест Ҳэм» билан музокара олиб бориши керак. Француз клубининг асосий вазифаси — инглиз жамоаси билан трансфер суммаси борасида келишиш.
Тодибо ўтган клуб мавсумида барча турнирларда 25 та баҳсда майдонга тушди.
Франциялик футболчи фаолияти давомида «Тулуза», «Барселона», «Шалке-04», «Бенфика» ва «Ницца» клублари сафида ҳам тўп тепган.
Эслатиб ўтамиз, Тодибо 2024 йилда «Нитса»дан «Вест Ҳэм»га ўтган ва кейинчалик трансфер доимий асосда расмийлаштирилган.
