«Арсенал»нинг ёш футболчиси Итан Нванери жамоани тарк этишга яқин. Фабрицио Романо маълумотига кўра, 19 ёшли футболчи ёзги трансфер ойнаси якунига қадар «Арсенал»дан кетади.
Нванери мавсумолди йиғинларида иштирок этган бўлса-да, бугун «Манчестер Сити»га қарши Англия Суперкубоги баҳсида ҳатто захира ўриндиғидан ҳам жой олмади.
Футболчининг трансферга қўйилгани «Милан»нинг эътиборини тортган. Италиянинг «россонери» клуби ҳужумкор йўналишни кучайтириш ва ҳужумчи ортида ҳаракат қила оладиган ижодкор футболчи изламоқда.
«Милан» Нванерининг ўнг қанот ёки ҳужумчи ортидаги позицияда ўйнай олиш имкониятларини юқори баҳоламоқда. Клуб инглиз футболчисини ёз давомида кузатилган номзодлар қаторига киритган.
Энди «Милан» Нванерини Сан-Сирога олиб келиш имкониятини жиддий кўриб чиқмоқда.
