Turkiya Superligasi. «Bashakshehir» mavsumni g‘alaba bilan boshladi, Eldordan gol, Abbosdan assist

Turkiya chempionatida 1-tur bahslari davom etmoqda.

«Bashakshehir» klubi mavsumni o‘z maydonida «Kojaelispor»ga qarshi o‘yin bilan boshlab, ishonchli g‘alabaga erishdi.

E’tiborliysi, istanbulliklar safida O‘zbekiston milliy jamoasining ikki futbolchisi ham asosiy tarkibda maydonga tushdi va samarali harakat qayd etishdi. Abbos Fayzullayev jamoasining birinchi to‘piga assistentlik qilgan bo‘lsa, Eldor Shomurodov ikkinchi golga mualliflik qildi.

Turkiya Superligasi. 1-tur
Bashakshehir — Kojaelispor 2:0
16 avgust, Fotih Terim nomidagi stadion
Gollar: Operi (14), Shomurodov (72).
Bashakshehir — Shengazer, Shahiner, Bayram, Opoku, Operi, Kemen, Kalujinski (Ergun, 89), Skov Olsen (Gureler, 89), Shomurodov (Zelke, 75), Fayzullayev (Sari, 63), Bertug (Bozok, 75).