Жордан Ҳендерсон — «Челси» футболчиси

Жордан Ҳендерсон «Челси» аъзосига айланди.

Лондон клуби 36 ёшли яримҳимоячини эркин агент сифатида ўз қўшиб олди ва у билан икки йиллик шартнома имзолади.

Англия миллий жамоаси ўйинчисининг сўнгги клуби «Брентфорд» бўлганди. У ўтган мавсумда Премер-лигада 34 та баҳсда майдонга тушиб, 1 та гол урган ва яна 3 та голли узатмани амалга оширганди.

Ҳендерсон «Сандерленд» тарбияланувчиси ҳисобланади. У профессионал фаолиятининг катта қисмини «Ливерпул»да (2011-2023 йиллар оралиғида) ўтказиб, жамоа билан бир қатор нуфузли совринларни қўлга киритган. Шунингдек, у «Ковентри», «Ал Иттифоқ» ва «Аякс» клубларида ҳам ўйнаган.