«Челси» ёздаги трансферларини яқин орада якунлаши мумкин. Бу ҳақда журналист Низар Кинселла хабар берди.
Лондон гранди «Жирона» чап қанот ҳимоячиси Пеп Чаваррия ҳамда «Брентфорд»ни эркин агент сифатида тарк этган яримҳимоячи Жордан Ҳендерсонни ўз сафига қўшиб олишга яқин. Шундан сўнг «Челси»нинг трансфер бозоридаги фаоллиги якунланиши мумкин.
Кейинги трансферларни амалга ошириш учун жамоа аввал футболчилардан бирини сотиши талаб этилади. Қайд этиш лозим, лондонликлар бу ёзда янги футболчилар хариди учун қарийб 400 миллион евро сарфлади, футболчилар сотувидан тушган умумий даромад эса 150 миллион евродан кам бўлди.
Аввалроқ «кўклар»нинг Валентин Баркони ўз сафига қўшиб олгани маълум қилинганди.
