«Ливерпул» бош мураббийи Андони Ираола ҳужумчи Александер Исак келаси мавсумда жамоанинг асосий футболчиларидан бирига айланиши кераклигини айтди.
«Менимча, Алекс ҳозир яхши ҳолатда. Жаҳон чемпионатида у ўзини жуда ишончли намоён қилди ва, фикримча, ўзини эркин ҳис қилди. У биз билан биринчи машғулотини ўтказди ва мен Исакнинг яхши ҳолатда эканлигини кўрдим.
Албатта, ҳозирча хулоса қилишга эрта, чунки у эндигина машғулотларга қўшилди. Аммо умид қиламанки, у «Лидс»га қарши ўйинда майдонга тушиш имкониятига эга бўлади ва мавсум олди тайёргарлигини тўлиқ ўтказади. Бу тайёргарлик даври унчалик узоқ бўлмайди, аммо у 3-4 ҳафта ичида у керакли жисмоний ҳолатга келади.
Шундан кейин Исакни энг яхши формасига олиб чиқишимиз мумкин бўлади, чунки бу мавсумда у биз учун жуда муҳим футболчи бўлади», — дея испаниялик мутахассиснинг сўзларини келтиради клуб расмий сайти.
