Италия миллий жамоаси ва «Милан» афсонаси Барези 66 ёшида вафот этди

Италия миллий жамоаси ва «Милан» клубининг собиқ ҳимоячиси Франко Барези 66 ёшида вафот этди.

Ўтган йили у ўпкасидаги тугунни олиб ташлаш бўйича жарроҳлик амалиётини бошдан кечирганди.

Барези Италия сафида 1982 йилда жаҳон чемпиони бўлган, 1994 йилда эса кумуш медал совриндори бўлган. Шунингдек, у 1990 йилги мундиал ва 1988 йилги Европа чемпионатида бронза медалларини қўлга киритган.

Барези, шунингдек, Италиянинг 6 карра чемпиони ҳисобланади. «Милан» сафида у Европа чемпионлар кубоги/Чемпионлар лигасини 3 марта, УЕФА суперкубогини 3 марта, Италия суперкубогини 4 марта ва Қитъалараро кубокни 2 марта ютган.

Собиқ ҳимоячи «Милан»нинг ёшлар ва асосий жамоалари сафида 1972 йилдан 1997 йилгача тўп тепган. Унинг 6-рақами клуб томонидан абадий муомаладан чиқарилган. Франко Италия миллий жамоаси сафида эса 81 та баҳсда майдонга тушган.