Антониу Силва — «Борнмут» ўйинчиси

Португалия миллий жамоаси ҳимоячиси Антониу Силва «Борнмут» футболчисига айланди.

Англия клуби «Бенфика» аъзосини ўз сафига қўшиб олганини расман эълон қилди. Томонлар 5 йиллик шартнома имзолади.

Трансфер қиймати 25 миллион еврони ташкил этди. Бундан ташқари, Лондон клуби турли бонуслар кўринишида яна 5 миллион евро тўлаши мумкин.

Эътиборлиси, 2-3 йил аввал 22 ёшли ҳимоячи топ клублар назарига тушган ва ўшанда лиссабонликлар Антониу учун 80-90 миллион евро талаб қилишганди.

Силва ўтган мавсум Португалия чемпионатида 25 та учрашувда майдонга тушиб, 1 та гол урди ва яна 1 та голли узатмани амалга оширди.