Нидерландия Қироллик футбол иттифоқи (KNVB) FIFA Жаҳон чемпионати тижорий ҳуқуқларидаги улушларни хусусий инвесторларга сотишни назарда тутган FIFA Forward Enterprise (FFE) лойиҳасидан воз кечганидан сўнг расмий баёнот билан чиқди.
«FIFA'нинг ушбу таклифдан воз кечганини мамнуният билан қарши олдик. Бу — муҳим ва оқилона қарор.
Биз бошиданоқ UEFA ва бошқа Европа футбол федерациялари билан биргаликда ушбу лойиҳанинг ҳам мазмуни биз учун мутлақо қабул қилиб бўлмаслигини очиқ айтгандик.
Бироқ лойиҳадан воз кечилиши бу масала ёпилди, дегани эмас. Бу жараённинг ўзи FIFA президенти Жанни Инфантино раҳбариятига бўлган ишончнинг тубдан йўқолишига сабаб бўлди. Энди биз унинг раҳбарлигига ишонмаймиз.
Бу вазият FIFA'даги бошқарув ва раҳбарликнинг келажаги ҳақида жиддий суҳбат ўтказишни талаб қилади.
Биз UEFA ва бошқа федерациялар билан биргаликда халқаро футболда самарали бошқарув учун курашни давом эттирамиз. Унда спорт манфаатлари ҳар доим биринчи ўринда туриши лозим», — дейилади KNVB баёнотида.
Нидерландия футбол иттифоқи: «Инфантинога ортиқ ишонмаймиз»
Футбол
1 август, 16:40
FIFA ЖЧ ҳуқуқларини сотиш лойиҳасидан воз кечганига қарамай, Европа футбол федерациялари тинчланмаяпти.
Foto: Getty Images
