«Ювентус» клуби ҳимоячи Жоау Мариунинг «Фиорентина»га ўтиши бўйича келишувга эришилганини расман эълон қилди.
Қайд этилишича, португалиялик 26 ёшли футболчи «бинафшаранглилар» сафида 2027 йилнинг ёзига қадар ижара асосида тўп тепади. Ижара тўлови 1,8 миллион еврони ташкил этади ва ушбу маблағ бир молиявий йил давомида тўлаб берилади.
Шунингдек, келишувда «Фиорентина» учун футболчини тўлиқ сотиб олиш ҳуқуқи ҳам кўзда тутилган. Агар Флоренция клуби ушбу имкониятдан фойдаланса, у ҳолда «Ювентус»га қўшимча 9,5 миллион евро тўлайди. Бу маблағ эса уч молиявий йил мобайнида босқичма-босқич ўтказиб берилади.
Маълумот учун, Мариу 2025 йилнинг ёзида «Порту» клубидан «Ювентус»га ўтган эди. Футболчи мавсумнинг иккинчи қисмини ижара асосида «Болоня»да ўтказди.
