Родри: «Олтин тўп»ни ютишни орзу қилмаганман. Ҳаёт базан сюрпризлар тақдим этади»

Родри «Манчестер Сити» сафида ўйнаб, «Олтин тўп»ни қўлга киритгани ҳақида фикр билдирди.

Испаниялик яримҳимоячи 2024 йилда France Football талқинига кўра йилнинг энг яхши футболчиси деб топилганди.

«Мен буни орзу деб айтмаган бўлардим. Ростини айтсам, бу мукофотни ютишим мумкинлигига ишонмасдим. Ҳаёт баъзан кутилмаган совғалар тақдим этади.

Аслида, мен бу мукофотга керагидан ортиқ аҳамият бермайман, гарчи у жуда муҳим бўлса ҳам. Мени йилнинг энг яхши футболчиси деб тан олишди. Бу эса қилинган катта меҳнатнинг натижаси.

Менга овоз берган инсонлардан ва билдирилган эътироф учун миннатдорман. Бу мен ва оилам учун жуда ўзига хос воқеа бўлди», — дея Родрининг сўзларини келтиради AS нашри.