Португалия миллий жамоаси мураббийи Роберто Мартинес Каталониянинг «Барселона» жамоасида яримҳимоячи Бернарду Силванинг истиқболи ҳақида фикр билдирди. Аввалроқ, «кўк-анорранглилар» футболчини ўз таркибига қўшиб олиш ҳақида ўйлаётгани ҳқаида хабарлар тарқалганди. Футболчининг ўзи эса ҳали якуний қарор қабул қилмаганини маълум қилди.
«Силва жуда кучли футболчи. Бернарду ҳар қандай жамоага қўшилиб кета олиши ва бошқа мураббийнинг талабларига мослашиши мумкин. Бу майдондаги позицияга эмас, унинг футбол интеллектига боғлиқ. Шунингдек, унинг техник имкониятларини ҳам қайд этмоқчиман. Ҳамма юқорида айтилганлар унга ўйинни бошқара олишда ёрдам беради», - дея мутахассиснинг сўзларидан иқтибос келтиради Mundo Deportivo.
Эслатиб ўтамиз, 31 ёшли португалиялик 2017 йил «Манчестер Сити» сафига бориб қўшилган. Силванинг амалдаги шартномаси 2026 йил июн ойигача мўлжалланган.
