«Интер» клуби спорт директори Перо Аусилио жамоанинг ўнг қанот ҳимоячиси Дензел Думфрис Мадриднинг «Реал» клубига ўтганини тасдиқлади.
«Думфрис «Реал»га ўтди. Унга энг яхши тилакларимни билдириб қоламан. У охирги йиллар давомида «Интер» учун нималар қилганини биламан. «Нерадзурри» унинг юрагида, ким билади, балки қачондир йўлларимиз яна кесишар», — дея Аусилио сўзларидан иқтибос келтирди Николо Скира.
Аввалроқ, «қироллик клуби» президенти Флорентино Перес нидерландиялик ҳимоячи трансфери борасида маълум қилганди.
Маълумот учун, Думфрис «Интер»га 2021 йил ёзида кўчиб ўтган. Ўтган давр мобайнида футболчи 207 та ўйинда майдонга тушди, 27 та гол уриб, 28 бор шерикларига голли узатма етказиб берди.
