Бу ҳақда Football Insider хабар берди.
«Ливерпул» кўпроқ ўйин вақтига эга бўлиш истагини билдирган Кёртис Жонснинг ўрнига «Борнмут»нинг яримҳимоячиси Алекс Скоттни сотиб олиши мумкин.
Ўз навбатида 22 ёшли футболчига «Манчестер Юнайтед» ҳам қизиқиш билдирмоқда.
Манба маълумотига кўра, Андони Ираоланинг жамоа бош мураббийи лавозимига тайинланиши натижасида Скоттни мерсисайдликлар ўз таркибига қўшиб олиш имкониятлари ошди. Мураббий ўтган мавсум айнан «Борнмут»да фаолият олиб борган.
Таъкидланишича, «Ливерпул» англиялик яримҳимоячисини сотиб олиш орқали «Манчестер Юнайтед»нинг режаларига тўсқинлик қилиши мумкин. Бундан ташқари, унинг хизматларига Лондоннинг «Челси» клуби ҳам қизиқиш билдирмоқда.
Ўтган мавсумда Скотт барча мусобақаларда 39 та ўйинда майдонга тушиб, 4 та гол урди ва 1 та голли узатма етказиб берди.
Футболчининг амалдаги шартномаси 2028 йилнинг ёзигача мўлжалланган.
Transfermarkt портали Алекснинг актуал трансфер нархини 50 млн еврога баҳоламоқда.
