«У — жаҳоннинг энг яхши марказий ҳимоячиларидан бири». Киву Бастонининг келажаги ҳақида гапирди

«Интер» бош мураббийи Кристиан Киву Алессандро Бастонининг келажаги ҳақида фикр билдирди.

Аввалроқ «нерадзурри»нинг 27 ёшли ҳимоячисига «Барселона» ва «Реал» қизиқиш билдираётгани ҳақида хабарлар тарқалганди.

«Бастони — бизнинг энг муҳим футболчиларимиздан бири. Унинг атрофида трансфер ҳақидаги миш-мишлар юриши — табиий ҳолат. Чунки, фикримча, у — дунёдаги энг яхши марказий ҳимоячилардан бири.

Мен Алессандронинг қандай инсон эканини яхши биламан. Энг муҳими, унинг жамоамиз учун нималар қилганини, ҳозир ҳам нималар бераётганини ва келажакда ҳам бизга қанчалик фойда келтиришини биламан», — дея Кивунинг сўзларини келтиради La Gazzetta dello Sport.