«Рома» ва Италия миллий жамоасининг собиқ футболчиси Франческо Тотти Туриннинг «Ювентус» клуби ҳужумкор яримҳимоячиси Кенан Йилдизнинг ўйин позицияси ҳақида фикрлари билан ўртоқлашди.
«Мен учун «ўнинчи рақам» — бу бироз бошқача хусусиятларга эга ижрочи, Кенан эса — «тўққиз ярим»! Унга катта умидлар боғланган, у жамоага жуда кўп нарса беради. Бу техник жиҳатдан кучли, замон талабларига жавоб бера оладиган ва профессионал жиҳатдан етук ўйинчи, аммо ҳақиқий «ўнинчи рақамлар» даражасига етмаган», — дея Тоттининг сўзларини келтирди Николо Скира.
Маълумот учун, Кенан Йилдиз «Ювентус»га «Бавария»дан 2022 йил ёзида эркин агент сифатида ўтган.
Ўшанда футболчининг Мюнхен жамоаси билан шартномаси якунига етган ва немислар янги битим имзолашни истамаган.
