Дания миллий жамоаси яримҳимоячиси Кристиан Эриксен Украинага қарши ўртоқлик беллашуви вақтида ҳушидан кетди.
«Волфсбург» футболчиси иккинчи бўлимда майдонга йиқилди ва учрашув тўхтатилди. Унга узоқ вақт давомида майдоннинг ўзида тўғридан тўғри тиббий ёрдам кўрсатилди. Икки жамоа футболчилари ҳам ўйинчи атрофида ҳалқа ҳосил қилиб туришди.
Эриксен кейинчалик оёққа тура олди ва томошабинлар қарсаклари остида рафиқаси ҳамроҳлигида майдонни тарк этди.
2:1 ҳисобида данияликлар устун келаётган баҳс бекор қилинди.
Эслатиб ўтамиз, Эриксен 2021 йилда Финляндияга (0:1) қарши Европа чемпионати ўйинида юрак хуружини бошдан кечирган эди. Кейинчалик унинг юрак ритмини назорат қилиш мақсадида имплантация қилинадиган кардиовертер-дефибриллятор ўрнатилган.
