«Эвертон» ва Англия миллий жамоаси дарвозабони Жордан Пикфорд «Ювентус»га ўтиши мумкин. Бу ҳақда инсайдер Фабрицио Романо хабар берди.
Манбага кўра, «зебралар»га воситачилар орқали 32 ёшли инглиз дарвозабонининг хизматлари таклиф қилинган. А Серия гранди учун ушбу вариант қанчалик қизиқарли экани ҳозирча номаълум.
Маълумот учун, Пикфорднинг «Эвертон» билан шартномаси 2029 йилнинг ёзига қадар мўлжалланган. Transfermarkt портали футболчининг бозор қийматини 13 миллион еврога баҳоламоқда.
Эслатиб ўтамиз, «Ювентус» ёзги трансфер вақтида тажрибали кипер билан шартнома имзолашни режалаштирган.
