«Сассуоло» клуби бош мураббий сифатида Алберто Аквилани билан келишувга эришди. Бу ҳақда инсайдер Фабрицио Романо хабар берди.
Манбага кўра, томонлар ҳамкорлик шартларини аллақачон тўлиқ келишиб олишган. 41 ёшли мутахассис янги жамоаси билан 2028 йилнинг ёзига қадар битим имзолайди.
Аввалроқ жамоа Фабио Гроссо билан хайрлашганди. «Рома»нинг собиқ футболчис бўлган Аквилани бунга қадар «Катанзаро»ни бошқарганди.
Бу жамоа билан А Серияга чиқишга жуда яқин келган эди, бироқ плей-офф финалида йўлланмадан маҳрум бўлганди.
