Испания миллий жамоаси яримҳимоячиси Родри Францияга қарши жаҳон чемпионати яримфиналидан кутилмалари билан ўртоқлашди.
«Франция ажойиб ҳужумкорлик салоҳиятига эга, аммо мен уларнинг ҳимоясини ҳам алоҳида қайд этган бўлардим. Биз ўйинни ўзимизга маъқул услубда олиб боришимиз керак. Ўтган йилдагидек 5:4 ҳисоби билан тугайдиган ўйинлар жуда кам учрайди ва биз бу натижа билан чалғиб қолмаслигимиз лозим.
Айтишим мумкинки, бизни янада кучлироқ жамоага қарши баҳс кутмоқда. Уларга қарши гол уриш қийинроқ бўлади. Жаҳон чемпионатлари бошқача рухда ўтади. Ўйинни кўпроқ назорат қилишимизга тўғри келади. Бу турнирнинг энг яхши жамоаларидан бирига қарши катта синов, биз уни интиқлик билан кутмоқдамиз», - дея Родрининг сўзларидан келтиради FIFA расмий сайти.
Мухлислар бу янгиликни Telegram’да муҳокама қилмоқда
Изоҳлар Telegram’да очилади