«Манчестер Сити» ҳужумчиси Эрлинг Ҳоланднинг илк мураббийи Ингве Бернцен футболчининг болалик даври ҳақида сўзлаб берди.
«У жуда нимжон бола эди. Шу сабабли бу камчилигини ақл-заковати билан қоплашга ҳаракат қиларди. Аммо мен унинг келажакда кучли футболчига айланишига ишонганман.
Эрлинг тўғри овқатланиш ва уйқу каби жиҳатларга жуда катта қизиқиш билдирарди. У 12 ёшга тўлганида биз унда келажак юлдузи бўлиш салоҳияти борлигини англай бошлагандик», — дея Бернцендан иқтибос келтиради derbyderbyderby.it.
Эслатиб ўтамиз, Ингве Бернцен Ҳоланднинг фаолиятидаги илк мураббийлардан бири бўлиб, уни Норвегиянинг «Брюне» клубида шуғуллантирган. Ҳозирда Эрлинг Ҳоланд Англиянинг «Манчестер Сити» клуби сафида тўп тепмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади