Мексика билан баҳсда четлатилган Куанса икки ўйинга дисквалификация қилинди

Англия миллий жамоаси ҳимоячиси Жарелл Куанса ЖЧ-2026 1/8 финалидан ўрин олган Мексикага (3:2) қарши ўйинда қизил карточка олгани учун икки баҳсга дисквалификация қилинди.

ёшли футболчи рақиб ҳимоячиси Хесус Галярдонинг оёғига хавфли тарзда подкат билан зарба бергани учун тўғридан тўғри қизил карточка олган. Ҳакам Алиризо Фағоний видеотакрорни кўриб чиққанидан сўнг инглизлар аъзосини майдондан четлатганди.

ФИФА Куансани «ўйин қоидаларини жиддий равишда бузгани» учун икки ўйинга дисквалификация қилди. Шу тариқа ҳимоячи Англиянинг Жаҳон чемпионати чоракфиналидаги Норвегияга қарши баҳсини, шунингдек, эҳтимолий яримфинал беллашувини ҳам ўтказиб юборади.