Макгрегор Махачевни Ҳабибдан устун қўйди

UFC'нинг икки вазн тоифасидаги собиқ чемпиони, ирландиялик Конор Макгрегор ярим ўрта вазннинг амалдаги чемпиони Ислом Махачевни Ҳабиб Нурмагомедовдан юқори баҳолашини билдирди.

«У Ҳабибдан юқорида. Муддатидан олдин қозонган ғалабалари сони, эришган ютуқлари ва икки вазн тоифасидаги чиқишларини ҳисобга олсак, албатта, шундай.

Аммо қаранг, у ҳали ҳам фаолият олиб бормоқда. Ҳамон жанг қилмоқда. Кўпчилик бошқаларнинг фикрига осонгина эргашиб, унга фаолиятини якунлаш вақти келганини ишора бериб танқид қилади. Мен эса бу йигитда ҳали жуда катта салоҳият бор, деб ҳисоблайман. Жуда кўп. Унинг ўзи ҳам буни англаб, фаолиятини давом эттириши керак», — деди Макгрегор YouTube'даги Re-Rank подкастида.