Германия футбол иттифоқи (ДФБ) Юрген Клопп билан миллий жамоа бош мураббийлиги борасида музокаралар олиб бораётганини расман тасдиқлади.
ДФБ баёнотига кўра, ташкилот президенти Бернд Ноендорф ва вице-президенти Ҳанс-Йoахим Ватске Ню-Йоркда Клопп билан дастлабки батафсил музокараларни ўтказган.
«ДФБ президенти Бернд Ноендорф ва ДФБ вице-президенти Ҳанс-Йoахим Ватске кеча Ню-Йоркда Юрген Клопп билан Германия миллий жамоаси бош мураббийлиги лавозими бўйича илк батафсил музокараларни ўтказди. Конструктив мулоқот давомида томонлар эҳтимолий шартноманинг асосий шартлари юзасидан келишувга эришди.
Музокаралар келаси ҳафта давом эттирилади. Томонлар Клоппнинг амалдаги иш берувчиси — Ред Булл билан келишувга эришилган тақдирда музокаралар муваффақиятли якунланишига ишонч билдирмоқда. Якуний қарор ДФБ GmbH & Co. KG кузатув кенгаши ва акциядорлар йиғилишида тасдиқланиши керак», — дейилади ДФБ расмий баёнотида.
Эслатиб ўтамиз, Юрген Клопп 2025 йилдан буён Ред Булл компаниясида халқаро футбол йўналиши директори лавозимида фаолият юритмоқда. Унинг амалдаги шартномаси 2029 йил охиригача мўлжалланган. Бунгача германиялик мутахассис 2015–2024 йиллар давомида «Ливерпул»ни бошқарган.
