Афсонавиқ собиқ ҳимоячи Паоло Малдини Италия футбол федерацияси (FIGC)нинг янги техник директори этиб тайинланди. Бу ҳақда ташкилот расмий сайти орқали маълум қилди.
Малдинининг ёрдамчиси сифатида собиқ футболчи, скаут, мураббий ва «россонери»нинг техник директори бўлиб ишлаган Леонардо фаолият юритади.
Эслатиб ўтамиз, Италия миллий жамоаси ЖЧ-2026 йўлланмаси учун ўтказилган плей-офф финалида Боснияга мағлуб бўлган эди. Ушбу муваффақиятсизликдан кейин бош мураббий Женнаро Гаттузо ўз лавозимини тарк этди.
Италияликлар сўнгги марта 2014 йилги жаҳон чемпионатида иштирок этган бўлиб, ўшанда гуруҳ босқичидаёқ мусобақани тарк этган эди.
Италия жаҳон чемпионатини тўрт марта — 1934, 1938, 1982 ва 2006 йилларда қўлга киритган.
