«Галатасарой» ҳимоячиси Давинсон Санчес фаолиятини «Интер»да давом эттириши мумкин. Бу ҳақда инсайдер Экрем Конур хабар бермоқда.
Манба маълумотига кўра, «нерадзурри» раҳбарияти колумбиялик 29 ёшли Санчес номзодини «Челси» аъзоси Трево Чалобага муқобил вариант сифатида кўриб чиқмоқда.
Милан клуби Чалоба бўйича «кўклар» билан келиша олмаяпти. Натижада улар Давинсон вариантини ўрганиб чиқмоқда.
Ўтган мавсумда Санчес барча турнирларда жами 45 та ўйинда майдонга тушиб, иккита голли узатмани амалга оширди.
Футболчининг «Галатасарой» билан амалдаги шартномаси 2029 йилнинг июн ойига қадар мўлжалланган. Transfermarkt маълумотларига кўра, унинг бозор қиймати 16 миллион еврони ташкил қилади.
