Мадриднинг «Реал» клуби ўзининг расмий сайти орқали «Интер»дан ўнг қанот ҳимоячиси Дензел Думфриснинг трансфери амалга оширилгани ҳақида эълон қилди. Клуб нидерландиялик футболчи билан 2030 йил 30 июнгача шартнома имзолади.
Аввалроқ ОАВ хабар беришича, «қаймоқранглилар» 30 ёшли ўйинчи учун 20 млн евро тўлайдилар.
Маълумот учун, Думфрис 2021 йил ёзидан бери «Интер» сафида ўйнаб келади. Ушбу давр мобайнида ҳимоячи барча мусобақаларда 207 та ўйинда иштирок этиб, 27 та гол урган ва 28 та самарали узатма амалга оширган. «Нерадзурри» сафида Думфрис 2 марта Италия чемпиони ва 3 марта мамлакат кубогини қўлга киритган.
Transfermarkt портали футболчининг актуал трансфер нархини 25 млн еврога баҳоламоқда.
