Madridning «Real» klubi o‘zining rasmiy sayti orqali «Inter»dan o‘ng qanot himoyachisi Denzel Dumfrisning transferi amalga oshirilgani haqida e’lon qildi. Klub niderlandiyalik futbolchi bilan 2030-yil 30-iyungacha shartnoma imzoladi.
Avvalroq OAV xabar berishicha, «qaymoqranglilar» 30 yoshli o‘yinchi uchun 20 mln yevro to‘laydilar.
Ma’lumot uchun, Dumfris 2021-yil yozidan beri «Inter» safida o‘ynab keladi. Ushbu davr mobaynida himoyachi barcha musobaqalarda 207 ta o‘yinda ishtirok etib, 27 ta gol urgan va 28 ta samarali uzatma amalga oshirgan. «Neradzurri» safida Dumfris 2 marta Italiya chempioni va 3 marta mamlakat kubogini qo‘lga kiritgan.
Transfermarkt portali futbolchining aktual transfer narxini 25 mln yevroga baholamoqda.
