«Galatasaroy» himoyachisi Davinson Sanches faoliyatini «Inter»da davom ettirishi mumkin. Bu haqda insayder Ekrem Konur xabar bermoqda.
Manba ma'lumotiga ko'ra, «neradzurri» rahbariyati kolumbiyalik 29 yoshli Sanches nomzodini «Chelsi» a'zosi Trevo Chalobaga muqobil variant sifatida ko'rib chiqmoqda.
Milan klubi Chaloba bo'yicha «ko'klar» bilan kelisha olmayapti. Natijada ular Davinson variantini o'rganib chiqmoqda.
O'tgan mavsumda Sanches barcha turnirlarda jami 45 ta o'yinda maydonga tushib, ikkita golli uzatmani amalga oshirdi.
Futbolchining «Galatasaroy» bilan amaldagi shartnomasi 2029 yilning iyun oyiga qadar mo'ljallangan. Transfermarkt ma'lumotlariga ko'ra, uning bozor qiymati 16 million yevroni tashkil qiladi.
