«Манчестер Сити» ва Аргентина миллий жамоасининг собиқ ҳужумчиси Серхио Агуэро Хулиан Алвареснинг келажаги ҳақида фикр билдирди.
«Алварес ўз фикрини очиқ айтди. Бу, эҳтимол, айримларнинг ғазабини келтиргандир. Менинг фаолиятимда ҳам шундай ҳолатлар бўлган. Ишончим комилки, у ҳали ҳам «Атлетико»да қолиши мумкин. Томонлар очиқ мулоқот орқали барча масалани ҳал қила олади. Аммо аввал Хулианнинг руҳий ҳолати қандай бўлишини кўриш керак», — деди Агуэро Sport.es нашрига.
Маълумот учун, Хулиан ўтган мавсумда «матрасчилар» сафида барча турнирларда 52 та ўйинда майдонга тушиб, 20 та гол урди ва 10 та ассистни қайд этди.
Аввалроқ ҳужумчига «Барселона», «Реал», «Арсенал» ва Европанинг яна бир қатор йирик клублари қизиқиш билдираётгани ҳақида хабарлар тарқалган эди.
