«Атлетико» «Спортинг» билан 27 ёшли таянч яримҳимоячиси Мортен Юлманн трансфери бўйича келишувга эришди. Бу ҳақда журналист Фабрицио Романо хабар берди.
Даниялик футболчи бугун Мадридга йўл олади. Испания клуби Португалия клуби собиқ сардори учун 40 миллион евро ва қўшимча бонуслар тўлайди.
Шунингдек, Юлманн «Атлетико» билан 2031 йил июн ойигача мўлжалланган шартнома имзолайди. Қайд этиш лозим, ўтган мавсум футболчи Португалия чемпионатида 27 та учрашувда иштирок этиб, 3 та гол урган ва 4 та ассист амалга оширганди.
Аввалроқ Коке «Атлетико» билан шартномасини узайтиргани маълум қилинганди.
