Германия футбол иттифоқи (ДФБ) Юрген Клопп билан шартнома шартларини келишиб олди. Бу ҳақда Sky Sports хабар берди.
Манбага кўра, германиялик мутахассис Германия миллий жамоасининг янги бош мураббийига айланади. Томонлар 2030 йилгача амал қиладиган шартнома имзолайди. Битим 2030 йилда Марокаш, Португалия ва Испанияда бўлиб ўтадиган Жаҳон чемпионатини ҳам қамраб олади.
Клоппнинг тайинланиши Юлиан Нагелсманнинг ЖЧ-2026 1/16 финалида Германия Парагвайга мағлуб бўлганидан (1:1, пеналтиларда 3:4) сўнг истеъфога чиқиш қароридан кейин амалга ошмоқда.
Қайд этилишича, ДФБ, Клопп ва унинг агенти ўртасидаги музокараларнинг якуний босқичи жума ва шанба кунлари Ню-Йоркда бўлиб ўтади.
Шунингдек, Sky Sports маълумотига кўра, Клоппнинг 2025 йил январидан буён фаолият юритиб келаётган Ред Булл тизимидаги глобал футбол раҳбари лавозимидан кетиши масаласи ҳам ҳал этилган. Мураббий ДФБ билан шартнома имзолагач, унинг компаниядан кетиши ҳуқуқий жиҳатдан расмийлаштирилади.
