Юрген Клопп Германия миллий жамоаси бош мураббийи этиб тайинланса, унга кенг ваколатлар берилади.
Керри Ҳау, Патрик Бергер ва Флориан Плеттенберг хабарига кўра, Германия футбол иттифоқи мутахассисга миллий жамоа фаолиятини тубдан қайта қуриш, иш тизимини ўзгартириш ҳамда ўз мураббийлар штабини шакллантириш ҳуқуқини тақдим этишга тайёр.
Маълумотларга қараганда, Клопп билан бирга унинг кўп йиллик ёрдамчиси Петер Кравитс ҳам иш бошлайди. Шунингдек, Пеп Лейндерс ва Жолт Лев ҳам мураббийлар штабидан жой олиши мумкин бўлган номзодлар сифатида кўрилмоқда.
Айни пайтда миллий жамоа спорт директори Руди Фёллернинг келажаги бўйича якуний қарор қабул қилинмаган. Бироқ Германия футбол иттифоқида Фёллер ва Клопп тандеми камида Евро-2028 мусобақасигача самарали фаолият юрита олади, деган ишонч бор.
Эслатиб ўтамиз, Германия миллий жамоаси ЖЧ-2026да 1/16 финал босқичида Парагвайга имкониятни бой бериб, турнирни муддатидан олдин тарк этганди.
Маълумот учун, Клопп бошқаруви остида Германия футболида ўйин услуби, миллий жамоа тизими ҳамда ёш футболчиларни ривожлантириш бўйича кенг кўламли ислоҳотлар амалга оширилиши режалаштирилмоқда.
