Ҳоланд илк бор АПЛнинг 1-турида гол ура олмади

«Манчестер Сити» ҳужумчиси Эрлинг Ҳоланд фаолиятида илк бор Англия Премер-лигасининг мавсумдаги биринчи учрашувида гол ура олмади.

«Шаҳарликлар» АПЛнинг 1-турида «Борнмут»ни 2:1 ҳисобида мағлуб этди. Норвегиялик ҳужумчи учрашувни тўлиқ ўтказди, бироқ гол ёки голли узатма қайд эта олмади.

Ҳоланд бунгача Премер-лигадаги дастлабки тўртта мавсумининг ҳар бирида биринчи тур учрашувида рақиблар дарвозасини ишғол қилганди:

2022/23: «Вест Ҳэм»га қарши 2 та гол;

2023/24: «Бёрнли»га қарши 2 та гол;

2024/25: «Челси»га қарши 1 та гол;

2025/26: «Вулверҳэмптон»га қарши 2 та гол.

Маълумот учун, Ҳоланд «Манчестер Сити» сафидаги 200-учрашувини ҳам айнан «Борнмут»га қарши баҳсда ўтказди.

Эслатиб ўтамиз, «Манчестер Сити» 1-турда «Борнмут»ни 2:1 ҳисобида мағлуб этиб, янги мавсумни ғалаба билан бошлади.