«Тоттенҳэм» «Манчестер Сити» ҳужумчиси Омар Мармуш трансфери бўйича оғзаки келишувга эришди. Бу ҳақда инсайдер Фабрицио Романо хабар берди.
Манбага кўра, томонлар дастлабки ижара шартномаси бўйича келишиб олган. Битимда футболчини сотиб олиш банди мавжуд бўлиб, муайян шартлар бажарилган тақдирда ушбу банд мажбурий харидга айланади. Трансфернинг умумий қиймати 50 миллион фунтни ташкил этиши мумкин.
Мармуш «Тоттенҳэм»нинг таклифига бир неча кун аввал розилик берган. Футболчи душанба куни Лондонга етиб бориши ва тиббий кўрикдан ўтиши кутилмоқда.
Маълумот учун, 27 ёшли Мармуш 2025 йил январида «Айнтрахт»дан «Манчестер Сити»га кўчиб ўтган. Мисрлик ҳужумчи Манчестер клубида ҳужум чизиғининг муҳим футболчиларидан бири ҳисобланади.
Эслатиб ўтамиз, аввалроқ «Тоттенҳэм» «Манчестер Сити»дан Савинио ва Омар Мармушни биргаликда трансфер қилишни режалаштираётгани ҳақида хабарлар тарқалганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади