«Атлетико» бош мураббийи Диего Симеоне Ла Лиганинг 2-туридан ўрин олган «Вилярреал»га (2:2) қарши ўйиндан сўнг Хулиан Алвареснинг хатти-ҳаракатлари ҳақида фикр билдирди.
Аргентиналик ҳужумчи беллашувнинг иккинчи бўлимида захирадан майдонга тушди. Мухлислар у тўпга тегган ҳар бир вазиятни ҳуштакбозлик билан қарши олишди, шунингдек, «Бутунлай йўқолсин!» дея ҳайқиришди. Якуний ҳуштакдан сўнг Алварес жамоа билан бирга трибуна томон бормади ва дарҳол кийиниш хонасига йўл олди.
— Раҳбарият унинг трибуналар ва мухлислар яқинида бўлмаслиги ҳақида қарор қилган. Клуб уни мухлислардан узоқроқда ушлаб туриш ва жамоанинг қолган қисмидан ажратишга қарор қилди. Шунинг учун у кийиниш хонасига кетди.
— Буни қандай қабул қилдингиз?
— Мен бу ерга маслаҳат бериш учун келган эмасман. Ўз ишимга эътибор қаратишим керак. Бу эса майдонда бор кучим билан ҳаракат қилишдан иборат. Агар биз соврин қўлга киритишни истасак, жипслашишимиз ва ҳужумчиларга, айниқса, юқори даражадаги форвардларга эга бўлишимиз керак. Барчамиз ўз вазифамизни муносиб тарзда бажаришимиз лозим.
Хулиан ҳақидаги барча саволларга жавоб бериш ниятим йўқ. Сизнинг хавотирингизни тушунаман, аммо ўйинда нималар содир бўлгани ҳақида гаплашишимиз мумкин.
— Аммо мухлисларга бирор нарса айтмоқчимисиз?
— Менимча, бирлашишимиз кераклигини етарлича аниқ айтдим. Бирлашганимизда кўп нарсага эриша олдик. Бизга ҳужумчилар керак. Улар бизда бор ва биз уларга ғамхўрлик қилишимиз керак, — дея аргентиналик мутахассиснинг сўзларини келтиради AS.
