Мадриднинг «Атлетико» клуби бош мураббийи Диего Симеоне ҳужумчи Хулиан Алварез Ла Лига 2-турида «Вилярреал»га қарши баҳс учун қайдномага киритилганини маълум қилди. Аввалроқ футболчининг клубни тарк этишга яқин экани ҳақида хабарлар тарқалганди.
«Алварез эртанги баҳс учун қайдномага киритилган ва индивидуал дастур асосида шуғулланмоқда. Бизни осон бўлмаган баҳс кутмоқда: рақиб кучли ва сифатли футболчиларга эга. Биз футболчиларнинг ўйин вақтини тақсимлаб боряпмиз, рақиб эса оптимал спорт формасига аллақачон кириб улгурган.
Алварез билан гаплашдимми? Бошқа инсон айнан нималарни ҳис қилаётганини айтиш қийин. У энг яхши тарзда шуғулланмоқда ва жамоадошларига ҳурмат билан муносабатда бўлмоқда.
Клуб билан биргаликда танлаган йўлимиз борасида ҳеч қандай шубҳам йўқ — асосий эътибор кейинги баҳсга қаратилган кучли жамоани шакллантиришга қаратилган. Мен айнан шунга эътибор қаратмоқдаман», — деди Симеоне.
Маълумот учун, «Атлетико» 23 август куни Ла Лига 2-турида «Вилярреал»ни қабул қилади. Баҳс Тошкент вақти билан 20:00 да бошланади.
