Ираола: «Ливерпул» мағлубиятга лойиқ эмасди. Захирадан тушган ўйинчилар энергия қўшди»

«Ливерпул» бош мураббии Андони Ираола АПЛ 1-туридан ўрин олган «Нюкасл» (2:2) билан ўйиндан кейин ўз фикрларини билдирди.

«Менимча, биз мағлубиятга лойиқ эмасдик ва футболчиларнинг саъй-ҳаракатларини қадрлайман. Статистикани кўрмадим, аммо ишонч билан айтишим мумкинки, бизда вазиятлар ва бошқа кўрсаткичлар кўпроқ бўлган.

Биринчи бўлимда жарима майдонигача етиб бордик, фақат ҳужумларни якунлай олмадик. Кўп марта жарима майдони четигача тўп билан етиб бордик ва зарба бериш керак бўлган вазиятларда ортиқча мураккаблашдик. Бундай пайтда шунчаки зарба бериш, ҳатто биринчи тегишдаёқ тепиш керак эди.

Менимча, захирадан майдонга тушган футболчилар бизга энергия қўшди. Улар яхшироқ ёки ёмонроқ ўйнашганини билмайман, аммо жамоага энергия беришди. Биз қўлламоқчи бўлган ўйин услубида 90 дақиқа давомида ҳар ким ҳам бардош бера олмаслиги сезилиб турибди. Шунинг учун захирадан майдонга тушадиган футболчиларнинг энергияси бизга керак. Менимча, бугун бу ўз самарасини берди», — дея испаниялик мутахассиснинг сўзларини келтиради Sky Sports.