«Ливерпул» сардори Виржил ван Дейк жамоанинг собиқ футболчиси Муҳаммад Салоҳнинг мерсисайдликлар сафидаги фаолияти ва унинг ўрнини босиш масаласига тўхталди.
«Салоҳнинг йиллар давомида қилган ишларини такрорлай оладиган футболчи топилади деб ўйламайман. Садио Мане ва Роберто Фирмино ҳақида ҳам худди шундай дейиш мумкин. Лекин умид қиламанки, бир кун келиб бу яна такрорланади.
Биз ҳам шу мақсад сари интиляпмиз. Ҳозир эса навбат бошқа футболчиларга, улар ўз ўйинларини янада кучайтиришлари керак», — дея ван Дейкнинг сўзларини келтиради ESPN нашри.
Эслатиб ўтамиз, Салоҳ ўтган ёзда «Ливерпул»ни тарк этганди. Айни пайтда мисрлик футболчи Туркиянинг «Трабзонспор» клуби шарафини ҳимоя қилмоқда.
Маълумот ўрнида, «қизиллар» ушбу мавсум АПЛ турнир жадвалида 15 очко билан тўртинчи ўринни эгаллаб турибди.
Аввалроқ Ван Дейк Араухонинг ўйинини юқори баҳолаганди.
