«Бавария» ҳужумчиси Ҳарри Кейн 45 йилдан сўнг мюнхенликлар сафида «Олтин тўп»ни қўлга киритган илк футболчига айланди.
Англиялик футболчи овоз бериш натижаларига кўра биринчи ўринни эгаллаб, «Реал» ҳужумчиси Килиан Мбаппе ва «Барселона» вингери Ламин Ямалдан ўзиб кетди.
Кейнга қадар «Бавария» вакили сўнгги бор 1981 йилда «Олтин тўп»ни қўлга киритган. Ўшанда соврин Карл-Ҳайнц Руммениггега насиб этган. Унгача Герд Мюллер (1970) ва Франц Беккенбауэр (1972, 1976) ҳам ушбу мукофотга сазовор бўлган.
Кейннинг ғалабаси Германия чемпионати учун тарихдаги 10-«Олтин тўп» бўлди. Бу борада фақат Италия ва Испания чемпионатлари вакиллари юқорироқ кўрсаткичга эга. А Серия футболчилари жами 18 марта, Ла Лига вакиллари эса 24 марта совринни қўлга киритган.
Шунингдек, Кейн сўнгги 30 йил ичида Бундеслига вакили сифатида «Олтин тўп»ни қўлга киритган биринчи футболчи бўлди.
