«Комо» клуби ва Аргентина миллий жамоасининг 21 ёшли яримҳимоячиси Нико Пас мундиалнинг гуруҳ босқич охирги ўйинидан кейин таассуротлари билан ўртоқлашди. Аргентина миллий жамоаси Иорданияни (3:1) мағлуб этиб, гуруҳда 100% натижа қайд этди. Футболчи илк бор асосий таркибда майдонга тушди.
«Мен учун жаҳон чемпионатида асосий таркибда майдонга тушиш катта шараф. Бугун бошимдан ўтказганларимни сўз билан ифодалаб бериш қийин. Жаҳон чемпионатида асосий таркибдаги илк ўйин ва гуруҳ босқичини янада яхши тарзда якунлаш учун — ғалаба. Нима учун яшаётганимдан доим миннатдорман», — дея Пас сўзларидан иқтибос келтирди Diario AS.
Пас майдонда 61 дақиқа ҳаракат қилди ва узатмаларда юқори аниқлик кўрсатди (94%), 4 марта тўпни жамоага қайтариб олиб берди ва 1 марта рақиб дарвозасига зарба йўллади.
Эслатиб ўтамиз, гуруҳ босқичини биринчи ўринда якунлаган Аргентина 1/16 финалда Кабо-Верде билан рўбарў келади.
