Аргентина миллий жамоаси бош мураббийи Лионел Скалони жаҳон чемпионати гуруҳ босқич 3-туридан ўрин олган Иорданияга қарши баҳсда жамоа сардори Лионел Мессининг асосий таркибда майдонга тушмаслигини маълум қилди.
«Эртага майдонга тушадиган футболчилар бу имкониятга муносиб эканини исботлаган. Улар жамоамизнинг бир қисми ва умумий жараёнимизнинг муҳим иштирокчилари. Биз эришган кўплаб ютуқларда айнан шу футболчиларнинг ҳиссаси катта.
Улар асосий таркибга кирмаганида ҳам эртаси куни машғулотга биринчи бўлиб келишади. Имконият туғилиши билан уларга ўйин вақти бераман.
Бу шунчаки ўйнамаётгани учун эмас, балки бунга муносиб бўлгани учун. Улар ажойиб футболчилар», — деди Скалони Ole нашрига берган интервюсида.
Маълумот ўрнида, Месси ҳозирда 5 та гол билан жаҳон чемпионатининг энг яхши тўпурари бўлиб турибди. Аввалроқ Лионел фаолиятини якунлаш ниятида эмаслиги маълум қилинганди.
