Франция миллий жамоаси футболчиси Усмон Дембеле жаҳон чемпионати гуруҳ босқич 3-тур доирасидаги Норвегияга қарши ўйин (4:1)дан сўнг ўз фикрларини билдириб ўтди.
«Бу мен учун ўзига хос ва муҳим лаҳза. Энг муҳими — эътиборни йўқотмаслик. Олдинда жуда муҳим баҳслар турибди.
Мен ўзимни ҳам майдонда, ҳам жамоада жуда яхши ҳис қиляпман. Биз жамоа ҳақида ўйлашимиз керак.
Норвегия бу ўйинга таркибда катта ўзгаришлар билан чиққанди. Биз ғалаба қозонишимиз ва эътиборимизни йўқотмаслигимиз лозим. Энг муҳими ҳали олдинда. Хотиржамликка берилиш мумкин эмас.
Бу гуруҳда 1-ўринни эгаллаш учун жуда муҳим ўйин эди. Биз ҳар бир баҳсда ғалаба қозонишни истаймиз.
Олдиндаги учрашувлар ҳам жуда муҳим, шунинг учун диққатимизни жамлашимиз керак. Майдонда ҳам, захира ўриндиғида ҳам сифатли футболчиларимиз бор.
Ўзаро мулоқот орқали бир-биримизни янада яхшироқ тушуняпмиз. Шу руҳда давом этишимиз керак», — деди Дембеле M6 телеканали эфирида.
