Италиянинг «Милан» клуби яримҳимоячиси Лука Модрич 2025/26 йилги мавсум якунларига кўра Европанинг топ-5 чемпионатлари орасида паслар аниқлиги бўйича энг яхши натижани қайд этди.
39 ёшли футболчининг аниқ узатмалар кўрсаткичи 98,1 фоизни ташкил этди. Бу дегани, Модрич ҳар 100 та пасдан атиги иккитаси нотўғри чиққан.
Мазкур рейтингда иккинчи ўринни «Байер» яримҳимоячиси Алеш Гарсия эгаллади. Унинг паслар аниқлиги 97,1 фоизни ташкил қилган.
Кучли учликни эса Мюнхеннинг «Бавария» клуби футболчиси Йозуа Киммих якунлаб берди. Германиялик яримҳимоячининг кўрсаткичи 95,8 фоизни ташкил этди.
Қизиғи шундаки, «Барселона» яримҳимоячиси Педри ҳам айнан шундай натижа қайд этган. Бироқ испаниялик футболчи жароҳатлар сабаб камроқ ўйинларда майдонга тушгани ва камроқ пас амалга оширгани учун рейтингда Киммихдан ортда қолди.
39 ёшида ҳам юқори савияда ўйнашда давом этаётган Модрич яна бир бор ўзининг ноёб футбол интеллекти ва техник маҳоратини намойиш этди.
