Мартинелли «Арсенал»га керак эмас, аммо муаммо бор

«Арсенал» вингер Габриел Мартинеллини сотишни режалаштирмоқда. Бу ҳақда The Touchline хабар берди.

Манбага кўра, «тўпчилар» 25 ёшли бразилиялик футболчини трансферга қўйган. Яқинда клуб «Галатасарой»дан Мартинелли учун 45 миллион евролик таклиф олган. Бироқ футболчининг Туркияга боришни истамаётгани муаммога айланган.

Қайд этилишича, Мартинелли ўз амбицияларига мос келмайдиган жамоага ўтишни истамайди. Шу билан бирга, вингернинг ўзи ҳам ҳозирча «Арсенал»ни тарк этишга катта қизиқиш билдирмаяпти. Шу сабабли трансфернинг келажаги ҳозирча номаълум.

Эслатиб ўтамиз, Мартинелли 2019 йилдан буён «Арсенал» сафида тўп тепмоқда. Ўтган мавсумда у барча турнирларда 53 та баҳсда қатнашиб, 11 та гол ва 7 та голли узатмага муаллифлик қилган.

Маълумот учун, Микел Артета Мартинеллини «Манчестер Сити»га қарши Англия Суперкубоги баҳси (3:0) учун қайдномага киритмаган.