«Родрининг иккиланиши менда ҳам шубҳа уйғотди». Моуринио яримҳимоячининг «Реал»га трансфери нега амалга ошмаганини тушунтирди

«Реал» бош мураббийи Жозе Моуринио Родрининг «Манчестер Сити»дан Мадрид клубига трансфери нега амалга ошмаганини тушунтирди.

«Мен у билан бир неча марта гаплашдим ва «Реал» унга жуда яхши таклиф берди. Менимча, унинг «Манчестер Сити» билан муносабатлари жуда яхши. Клуб «Сити» билан музокара олиб бормасдан, Родри билан боғланиб, унга катта таклиф қилди. Родрида шубҳалар пайдо бўлди, у иккиланиб қолди ва унинг иккиланиши менда ҳам шубҳа уйғотди.

У ажойиб футболчи ва бизга нисбатан жуда ҳурмат билан муносабатда бўлди. У ҳақида ёмон гап айта олмайман. Аммо «Реал» шундай катта клубки, унда ўз қарорларига шубҳа қиладиган футболчилар бўлмаслиги керак. Сиз футболчи билан боғланасиз, у эса: «Қачон келишим керак?» деб сўрайди. Концепция тахминан шундан иборат.

Шунга қарамай, у бизга жуда ҳурмат билан муносабатда бўлди. Унга омад тилайман…», — деди Моуринио.

Эслатиб ўтамиз, Родри 18 август куни «Манчестер Сити»дан «Барселона»га ўтган. Каталония клуби 30 ёшли яримҳимоячи билан 2030 йил 30 июнгача шартнома имзолаганини эълон қилган.

Маълумот учун, аввалроқ Родри «Реал» билан шахсий шартнома шартларини келишиб олгани ҳақида хабарлар тарқалган эди. Кейинчалик «Барселона» трансфер учун курашга қўшилиб, футболчи каталонияликлар таклифини танлаган.