«Астон Вилла» япониялик дарвозабон Зион Сузукининг «Парма»дан трансферини расман эълон қилди. Бу ҳақда Бирмингҳэм клуби матбуот хизмати хабар берди. Трансфер шартлари ошкор қилинмади.
Аввалроқ 23 ёшли дарвозабоннинг трансфери «Астон Вилла»га бонуслар билан бирга 35 миллион еврога тушиши ва футболчи клуб билан 2031 йилгача шартнома имзолаши ҳақида хабарлар тарқалганди.
Эслатиб ўтамиз, Сузуки 2024 йилдан буён «Парма» сафида тўп тепиб келаётганди. У шу вақт давомида барча турнирларда 59 та баҳсда майдонга тушиб, 83 та гол ўтказиб юборди ва 13 та учрашувда ўз дарвозаси дахлсизлигини сақлаб қолди.
Маълумот учун, «Астон Вилла» янги мавсумдаги илк расмий баҳсини 23 август куни «Брайтон»га қарши ўтказади. Учрашув Тошкент вақти билан 20:00 да бошланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади